اؤزبکستانین ثمرقند شهرینده “Şərq təranələri” بئشینجی بین الملل مۇسیقی فئستیوالی کئچیریلیر.
+0 به یه ن
اؤزبکستانین ثمرقند شهرینده “Şərq təranələri” بئشینجی بین الملل مۇسیقی فئستیوالی کئچیریلیر
اؤزبکستانین قدیم ثمرقند شهرینده “Şərq təranələri” بئشینجی بین الملل مۇسیقی فئستیوالی کئچیریلیر.
جارچی نین آذرتاج دان آلدیغی خبره گؤره٬ایکی ایلدن بیر کئچیریلن بۇ نوفوذلۇ مۇسیقی بایرامیندا دونیانین 80-دن چوْخ اؤلکهسیندن گلن مۇسیقیچیلر ایشتیراک ائدیرلر.
فئستیوالدا اؤلکهمیزی آذربایجانین امکدار آرتیستی تییار بایراموْوۇن رهبرلیک ائتدییی “Buta” مۇسیقی قوروپۇ تمثیل ائدیر. خوانندنی امکدار آرتیستلر - تاردا ائلچین هاشیموْو، کامانچادا ائلنۇر احمدوْو مشایعة ائدجکلر.
یۇبیلئی فئستیوالیندا 1376 شمسی ایلده کئچیریلن “Şərq təranələri” بیرینجی بین الملل مۇسیقی فئستیوالینین آذربایجاندان اوْلان ایلک ایشتیراکچیسی، فئستیوالین “Qran pri” موکافاتینا لاییق گؤرۆلمۆش خالق آرتیستی سیماره ایمانوْوا دا فخری قوْناق کیمی ایشتیراک ائدیر.
فئستیوال چرچیوهسینده علمی-نظری کوْنفرانس کئچیریلجک، تدبیرده آذربایجاندان گلن مۇسیقیشۆناس عالیملر-لاله حسینوْوا و زۆمرۆد داداشزاده مۇسیقی ساحهسینین عملیاتۇال مسلهلرینه دایر معروضه ایله چیخیش ائدجکلر.
عومومیتله، آذربایجان مۇسیقیچیلری “Şərq təranələri” بین الملل مۇسیقی فئستیوالیندا اۇغۇرلا ایشتیراک ائدیبلر. آیری-آیری وقتلردا تانینمیش خواننده-عالیم قاسیموْو، همچئنین آیگۆن بئیلر، قوْچاق عسکروْو فئستیوالدا بیرینجی، ضابیط نبیزاده ایکینجی یئرلره لاییق گؤرۆلۆبلر.