نازی'لرین قیزیل و داش-قاش یوکلو افسانه قاتاری تاپیلدی
+0 به یه ن
نازی'لرین قیزیل و داش-قاش یوکلو افسانه قاتاری تاپیلدی
پولونییا'دا ایکینجی دونیا ساواشی'ندا ایتدیگی قیزیل، داش-قاش و سیلاح دولو اولدوغونا اینانیلان نازی قاتارینین تاپیلدیغی قارشییا قویولدو.
بی بی سی تورکجه'نین خبرینه گؤره، زیرئهلی قاتار، 1945-جی ایلده سووئت گوجلری یاخینلاشارکن، بوگونکو وروجلاو شهَرینین یاخینلیغیندا ایتیبدیر. پولونییا'نین گونئی باتیسینداکی حوقوق بوروسو، اونلارلا تماسا کئچن ایکی آدامین قاتاری تاپدیقلارینی سؤیلهدیگینی بیلدیردی. پولونییا مطبوعاتینین دئدیگینه گؤره، سؤزوگئدن آداملار قاتارین ایچیندهکیلرین یوزده 10-ونو ایستهدیکلرینی سؤیلهدیلر.
والبرزیجه بلَدییهسینده ماریکا توکارسکا آدلی بیر یئتکیلی، هابئله حوقوقچولار، اوردو، پولیس و قورتارما قوروپو بو ایشه یئتیشیرلر. توکارسکا، «بو بؤلگهده داها اؤنجه هئچ قازینتی ائدیلمهدی. بونا گؤره نه تاپاجاغیمیزی بیلمیریک،» دئدی .
والبرزیجه’ده ایکی خبر سایتینا گؤره، تاپیلان قاتارین یان طرفینده ناملیلار وار. لیتوا'دا یایینلانان والبرزیجه 24 سایتینا گؤره قاتاری تاپدیغینی سؤیلهین کیشیلردن بیری آلمان بیری ده پولونییالی'دیر.
بو سایتا گؤره، سؤزوگئدن آداملار، ایدیعالاری آراشدیرماق اوزره بلَدییه باشقانی باشچیلیغی آلتنیدا یارادیلان عاجیل دوروم کومیتهسییله امکداشلیق ائدیرلر.
ویادوموسکی والبرزیسکی آدلی بیر باشقا سایتا گؤره قاتار 150 مئتر اوزونلوغوندا 300 تون قیزیل داشیییرمیش.
ژواننا لامپارسکا آدلی بیر تاریخچینین دئدیگیه گؤره قیزیل و «تهلوکهلی ماده» یوکلو قاتارین بیر تونولده ایتدیگی دوشونولور. داها اؤنجه بؤلگهده آختارمالار نتیجهسیز قالمیشدی.